Alakamisy Fahafito ambin'ny folo tsotra Mandavan-taona

Vakiteny voalohany

Bokin'i Jeremia 18,1-6.

Ny teny nataon'ny Tompo tamin'i Jeremia, toy izao:
Mitsangàna hianao, ka midìna ho any an-tranon'ny mpanefy tanimanga, ary any aho hampandre anao ny teniko.
Dia nidina ho any an-tranon'ny mpanefy tanimanga aho; ka indro izy nanao ny tao-zavany teo amin'ny ankodina fiasàny.
Ary tsy vanona kosa ny vilany nataony, araka izay mety hahazo ny tanimanga eny an-tànan'ny mpanefy, ka nanao vilany hafa, araka izay tiany hatao indray, ny mpanefy tanimanga.
Dia tonga tamiko ny tenin'ny Tompo toy izao:
Moa aho tsy mahazo manao aminareo, toraky ny nataon'io mpanefy tanimanga io, ry taranak'Israely? - teny marin'ny Tompo. Eny, toy ny tanimanga eo an-tànan'ny mpanefy, hianareo eo an-tànako, ry taranak'Israely.

Salamo

Salamo 146(145),2abc.2d-4.5-6.

Sitrako ny midera an'ny Tompo, amin'ny andro rehetra iainako; sitrako ny mihira ho an'Andriamanitra raha mbola velona koa aho.
Sitrako ny midera an'ny Tompo, amin'ny andro rehetra iainako; sitrako ny mihira ho an'Andriamanitra raha mbola velona koa aho.
Sitrako ny midera an'ny Tompo, amin'ny andro rehetra iainako; sitrako ny mihira ho an'Andriamanitra raha mbola velona koa aho.
Sitrako ny midera an'ny Tompo, amin'ny andro rehetra iainako; sitrako ny mihira ho an'Andriamanitra raha mbola velona koa aho.

Aza mametraka ny fitokianareo amin'ny mpanapaka, na amin'ny zanak'olombelona izay tsy mahavonjy;
fa miala ny fofon'ainy, dia miverina amin'ny vovony izy, ary amin'izay andro izay ihany dia levona ny hevitra kasainy.
Sambatra izay manana ny Andriamanitr'i Jakoba ho famonjena azy sy mametraka ny fitokiany amin'ny Tompo Andriamaniny.
Iaveh nanao ny lanitra sy ny tany, ny ranomasina mbamin'izay rehetra ao aminy; maharitra amin'ny tsy fivadihany izy.

Evanjely

Evanjely Masin'i Jesoa Kristy nosoratan'i Md. Matio 13,47-53.

Ny fanjakan'ny lanitra dia tahaka ny harato nalatsaka tany anaty ranomasina, ka nanangona izao karazan-kazandrano rehetra izao;
rahefa feno izy dia nosarihana ho eny amoron-drano, ka nipetraka ny olona nifantina ny tsara hataony an-karona, fa ny ratsy kosa nariany.
Dia ho tahaka izany koa raha mby amin'ny fahataperan'izao tontolo izao: hivoaka ny anjely hanavaka ny ratsy fanahy hisaraka amin'ny marina,
ka hanipy azy any amin'ny memy mirehitra: any no hisy fitomaniana sy fikitroha-nify.
Efa azonareo va izany? Eny, hoy izy ireo taminy.
Dia nanampy teny indray izy nanao hoe: Koa ny mpanora-dalàna rehetra izay mahay tsara ny amin'ny fanjakan'ny lanitra àry, dia tahaka ny raim-pianakaviana izay mamoaka zava-baovao sy tranainy avy amin'ny fitoeran-drakiny.
Nony tapitra izany fanoharana izany, dia niala teo Jesoa,